Sports

Indian junior women’s hockey, Australia U21 khilaf haribo tour opener te

5 months ago

Canberra, 27 September : Indian junior women’s hockey team Australia tour laga prothom match te narrow 2-3 loss face kori se U21 side logot National Hockey Centre, Canberra te Friday din. India nimite Lalthantluangi (47’) aru Sonam (54’) goal score kori dise, jetiya ki Australia nimite Bianca Zurrer (36’), Evie Sransby (45’) aru Sammy Love (59’) goal score kori dise.

Prothom half goalless thakise, duita side tight contest te deadlock break kori napara karone. 36th minute te, Australia opening goal score kori dise successful penalty corner para, Bianca Zurrer laga. Pichete, 45th minute te, Australia ta laga lead extend kori dise aru ekta penalty corner goal para Evie Sransby laga.

Fourth quarter te, India comeback kori duita crucial goal score kori equalise kori dise. 47th minute te Lalthantluangi penalty corner convert kori deficit komai dise, aru 54th minute te Sonam ekta field goal score kori match ke barabor kori dise. Kintu match finish hobo para ek minute age, Australia laga Sammy Love penalty corner para score kori India uporot slim win loi dise.

Young Indian squad aru duita match kheli bole ase Australia junior women’s team logot September 27 aru 29 te, aru pichete duita match kheli bole ase Canberra Chill logot — ekta club juntu Australia laga premier Hockey One League te kheli thake — September 30 aru October 2 te.

Team ke captain Jyoti Singh lead kori ase aru coach Tushar Khandker guide kori ase, jun India laga preparation nimite crucial match set hobo upcoming FIH Hockey Women’s Junior World Cup 2025 nimite, juntu December te Santiago, Chile te kheli hobo. Itu tour young Indian squad nimite valuable exposure dibo, karon ta khan strong team logot international condition te skills test kori bole paibo. June mahina te India similar tour Europe te bhi kheli thakise, juntu te Belgium, Australia aru Netherlands logot paanchta match kheli thakise. India dangor performance dekhaise, Belgium ke tinibar consecutive harai dise, pichete Australia ke bhi harai dise, aru Netherlands logot ekta bitter shootout loss face kori dise.