New Delhi, 25 March : Indian kabaddi khiladi khan nimite ekta bhal khobor ahi ase—International Kabaddi Federation (IKF) to April te Amateur Kabaddi Federation of India (AKFI) laga suspension uthai dibo. Itu faisla to aahise juntu din Supreme Court laga appointed administrator Justice (Retd.) S P Garg to elected body ke charge hand over kuri dise.
IKF laga President Vinod Kumar Tiwari PTI ke janai dise ki ban officially lift kuribo itu upcoming executive council meeting te. AKFI ke July 2023 te ban mari dise nohoile bi elected body ke charge lobole diyanaikina thakise. Kintu December 2023 te elected officials—President Vibhor Vineet Jain aru General Secretary Jitendra Thakur—officially control lobi lua pichete, SC laga February 6 order hesapte, itu transition complete hoise.
Supreme Court to itu elected body ke recognize nohoile bi, India laga khiladi khan Asian Kabaddi Championship 2025 (Iran, February 20-25) te kheltobo nimite itu faisla loise. Tiwari bhi confirm kuri dise ki IKF already Indian khiladi khan ke itu championship te participate kuribo dimi diye.
Pichite 2019 te, Delhi High Court ex-federation chief Janardan Singh Gahlot ke ‘Life President’ bana thaka quash kuri Justice (Retd.) Garg ke AKFI administrator bana dise. Itu case karone election bi supervision te kurise aru ban impose kurithakise.
Executive board meeting te decision confirm kuribo, aru itu pichete officially Indian Kabaddi laga future aru international participation te aru bhi clarity ahi jabo.
Add Comment