India, 22 June : Indian compound mahila laga archery team, Jyothi Surekha Vennam, Aditi Swami aro Parneet Kaur itu season taikhan laga imperious form chari rakhishey, aro itu event laga third stage dey Estonia laga khilaf ekta jeet logot World Cup gold medals laga hattrick secure kurishey, Saturday dey.
Itu trio, kun top-seed nishna qualify huishey, Estonia laga Lisell Jaatma, Meeri-Marita Paas aro Maris Tetsmann ke yatey ekta one-sided final dey 232-229 haraishey.
Mahila laga compound team toh itu karney itu season unbeatable asey, Shanghai aro Yecheon dey World Cup Stage 1 aro Stage 2 gold medals jitina, April aro May dey.
Indian male compound archer Priyansh bhi itu din dey ekta bronze karney ladai kuri asey.
Recurve section dey, Ankita Bhakat aro Dhiraj Bommadevara taijun bhi tuita medals karney shikar dey asey, taikhan laga respective individual semifinals dey agey jaina.
September 29, 2024
World's First and Only Nagamese Newspaper
Add Comment