New Delhi, 30 June : Indian mahila hockey team laga FIH Pro League para girija confirm hoigise Sunday din he, season laga last match China logot khelibole age he, jitu din Germany England ke 4-2 para haraidise.
India, juntu 9 team te sabse last position te thakise aru 15 match te sirf 10 point pai thakise, olop hope thakibole England ke Germany logot jitu lage thakise, takile he India next season Pro League te thakibole mathematical possibility thakibo.
Germany ke sirf draw lagise safety confirm koribole, kintu Stine Kurz laga dui ta goal aru captain Lisa Nolte aru Johanna Hachenberg laga ek-ekta goal karone, Germany – juntu former Indian head coach Janneke Schopman laga lead te thakise – England (14 point) ke cross kori 16 point logot seventh position te khotom korise.
India next season te FIH Nations Cup te kheli bo, junte jitu team jitibo, tai 2026-27 FIH Pro League season te guaranteed jagah pabo.
Add Comment