Antwerp, 12 June : Indian junior mahila hockey team Europe tour te bhi nijor jeet laga silsila continue kori ase, aru Belgium logot ekta bhal performance diya match te 2-1 te jeet loise.
India Belgium ke Hockey Center of Excellence, Wilrijkse Plein, Antwerp, Belgium te 2-1 scoreline te haraise. India laga duita goal Lalthantluangi (35’) aru Geeta Yadav (50’) te ahi ase.
Game laga prothom half te duita team bhi goal maribo naparile, karon tight contest thaka karone kunu team deadlock bhangibo nuparise. 35th minute te Lalthantluangi ekta penalty stroke successful kori India laga prothom goal score korise.
Last quarter te, Belgium laga Van Hellemont (48’) ekta field goal marise aru score equal korise. Kintu duita minute pichete Geeta Yadav bhi ekta field goal marke India laga side ke wapas lead te loi jai aru itu goal te India laga jeet confirm korise.
India last 10 minute te defense bhi dangor kori Belgium laga attack sab defend kori loise aru aru ekbar Belgium logot jeet ulai loise.
Argentina laga Rosario te Four Nations Tournament complete korar pichete, Indian team Europe tour te punchise juntu total paanchta match thakibo. Tour laga prothom match Sunday din Belgium logot thakise juntu India 3-2 scoreline te jitise Hockey Center of Excellence, Wilrijkse Plein te.
Duita consecutive jeet ulai luwar pichete, Indian junior mahila team June 12 te Belgium logot third aru final match khelibo Europe tour te.
Argentina te, Indian team dangor performance di thakise quality opponent logot. Chile logot 2-1 jeet aru ekta 2-2 (2-3 shootout) loss record korise, Argentina logot 1-1 (2-0 shootout) jeet aru 2-4 loss thakise, aru Uruguay ke duibar haraise — 3-2 aru 2-2 (3-1 shootout) score te.
Add Comment