Biratnagar (Nepal):Friday din te India toh SAFF Women’s Championship te tai khan lagatar jeeti ase. India toh tai khan panch (5) bar lagatar jeetishe. India toh host Nepal ke final match te 3-1 para harai dishe.
Etu jeet hasil (achieve) kuri kena tai khan tournament te naharia laga dhor (run) troh aro barai loishe.
India toh Dalima Chhibber, Grace Dangmei aro substitute Anju Tamang logote para goal marishe. Etu match toh Sahid Rangashala Stadium te hoishe.
India nimite sob para goal toh right-back Chhibber para marishe. Etu poila goal toh 26th minute te marishe. Tai para 30 yards para free kick duwara goal mari dishe. ETu poila goal mari kena jua bar laga champions khan ke 1-0 para agay rakhi dishe.
Sabitra para Nepal nimite 34th minute te hosts khan nimite ekta goal mari dekena Nepal aro India ke bar-a-bar kuri dishe.
India toh 63rd minute te Sanju duwara goal mari kena India ke Nepal logote para agay te loi jaishe.
Add Comment