Indian men laka 4x400m team, World Relays heat race kotom kuri bole para nai

May 5, 2024: Sunday din, Paris Olympics qualification laka round one deh, second leg runner Rajesh Ramesh olai jabo laki jai shae, cramps karne aro etu karne Indian men laka 4x400m team kan taikan laka heat race kotom kuri bole para nai World Athletics Relays deh. Muhammed Anas Yahiya, Rajesh Ramesh, Muhammed Ajmal and Amoj Jacob laka india quartet, heat number 4 dehh, top-two finish lokot deh ekta Paris ticket book kuri bole hope kuri taki shae. Hoile b ekta utter heartbreak deh, Ramesh, race laka atha deh chari shae tail left leg duri nah. Anas, taila first leg kotom kuri nah taki shae. “Men’s 4x400m relya team kan lokot deh ekta bhal start taki shae. Muhamma Anas para first leg deh 45.93 seconds clock kuri shae, hoile b second runner, Rajesh Ramesh, first bend deh leg cramps taka karne giri jai shae,” Athletics Federation Of India (AFI) para ekta statement deh kui shae. Ramesh, etu laka agae deh mixed 4x400m race polai shae. Indian kan Monday din deh aro chance pabo, Olympics qualification laka round two deh. Kuteh sob alak team kan, kun kan taikan laka respective heat deh top two laka bahar kotom kuri shae, taikan laka luck aro koshish kuri bo Paris Games karne. Team kan teetha heat deh divide hobo leh expect ase aro tuita group para top two tho Paris ticket book kuri bo.