Indian men’s archery team, Olympics frame deh ase hari nah b

June 16, 2024: Indian men’s recurve archery team tho Final Olympic Qualifier laka quarter finals deh crash out hui shae kuto para Paris Games karne teetha quota spot offer kureh, hoile b Paris karne entry tho world no. 2 team karne assured ase, rankings laka rasta deh. Dhiraj Bommadevara, Tarundeep Rai aro Pravin Jadhav laka trio, kuto kan para  Sngahari World Cup laka gold karne mighty Koreans keh harai di shae, taikan ekta bhal chance taki shae, etu tournament deh team quota tho pabo leh. Aro Saturday morning din deh qualification round tho top kura tho signs kan positive taki shae. Hoile b maike laka team nishi nah, mota kan b elimination round deh pressure deh taka tho giri jai shae. Maike kan tho lower ranked Ukraine laka against 3-1 lead hari shae aro mota kan tho eventual winners laka against 4-0 taki nah hari jai shae. Paris team spot laka mamla deh mota kan pressure deh thon ai. Indian men’s team, kun kan World Cup gold jiti nah 80 points pai shae, taikan itia dunia deh second position deh ase 243 points lokot deh. Taikan Korea laka pichae deh ase kun kan puila para heh qualify hui nah ase. Next non-qualified teams kan tho fifth ranked China (204 points) aro eight ranked USA (175) points ase. India kan tuita quota para ekta tho lubo leh assured ase, world ranking para. Etu tho Antalya World Cup piche deh confirm hui jabo.