Indian Navy’s MiG-29K trainer aircraft Arabian sea te girishe

New Delhi: Thursday saam te Indian  Navy laga  ekta MiG-29K trainer aircraft Arabian  sea  te girishe.

Etu  aircraft laga  ekta  pilot ke bachaishe aro    dusra  pilot  nimete  bisaribole karne   search operation chuli ase.

Etu  duita air aro surface units khan etu  search operation  toh kuri ase.Indian  Navy para koikena  janaishe  ki   etu hadsaa toh Thursday  te  5pm nishena te Arabian sea te hoishe,aro  koikena  janaise  ki ekta  high-level inquiry  toh order dishe etu   chamela te chanbin kuribole nimete.

Indian Navy’s ex-spokesperson Captain DK Sharma para tweet te koikena  janaishe  ki”ekta  MiG-29K trainer ac sea te kaam kuri thaka  toh  1700h/ 26 Nov 20 te girishe.ekta pilot toh paishe .aro  SAR (Search & Rescue) operation  chuli ase  2nd pilot ke bisaribole nimete. #IN para ekta inquiry olaishe etu hadsaa  kinika hoishe  janibole nimete.”

Indian Navy logote  komti hoilebi  40 MiG-29K fighter aircraft goa laga bahar te ase aro etu  toh INS Vikramaditya aircraft carrier para kaam kuri thakishe.

Reports hisaab te  MiG-29K aircraft toh  etu  sal   February te  crash hoishe  etu bi goa   te chidiya khan laga pichede.

Hoilebi etu  aircraft laga  duita  pilot toh   etu jet toh habitation para alag  kuribole  parishe  ejection  nakura akhe te.

Etu action kura nimete  Union minister of state for defence, Shripad Naik  para khushi janaishe.

Ekta  MiG-29K trainer aircraft  toh goa bosti laga  bahar te crash hoishe  juwa  sal  November moina te aro etu duita   pilot  toh  bhal para olaijaishe.