Jalandhar, 1 November : Indian Oil Mumbai aru Indian Railway Delhi ajir rati 42nd Surjit Hockey Tournament 2025 laga title clash te samna koribo. Final match Olympian Surjit Hockey Stadium, Burlton Park, Jalandhar te khelibo.
Akashvani aji final match laga live commentary Hindi aru English duita language te alternately broadcast koribo 7:10 PM pora game finish hoi tak. Itu FM Rainbow Network, additional frequencies, DTH Platform, Akashvani laga Mobile App aru Prasar Bharati laga YouTube Sports Channel te bhi live broadcast hobo.
Kali rati semi-final te, Indian Railway Delhi Indian Navy Mumbai ke 2-1 te harai thakise, aru Indian Oil Mumbai Bharat Petroleum Mumbai ke 2-1 te thrash kori final te jagah banaise. Itu te Indian Railway Delhi team panchth time final te pohchise, aru Indian Oil Mumbai 14th time final te ahise.
Winning team ke 5.51 lakh rupees laga cash prize aru championship trophy diya jabo, aru runner-up team ke 2.51 lakh rupees aru ekta trophy diya jabo. Tournament laga best player ke bhi 1 lakh rupees laga cash prize te honour koribo.
Add Comment