London: Indian-origin mota kon doh dai laga kari para mari kena aro teenage cyclist ke moraitishe ketiya streets te speed kuri kena bera time te West Midlands region England te etu doh panch sal adha jail saja deshe.
West Midlands Police investigat para deka Tajinder Rai doh motorway osor te jolai dhakishe slow-speed zone te.
37 sal umar,wheel becha Nissan GT-R ke jai dhakishe Binley Road Coventry te October jowa sal ketiya dai 17 sal umar Ryan Willoughby-Oakes ke mara time te junction te Allard Way logot.
Dai rukishe scene te aro berai dhaka khan para first aid administer kurishe, hoilebe Ryan doh morishe rasta te.
“Etu bacha doh dai laga pura life jaishe motorist para speed limit follow nakura ke,” Detective Sergeant Paul Hughes para koishe West Midlands Police Serious Collision Investigation Unit laga.
Teen tin trail becha te, Rai doh kalti beishe mora ke khadernak te jola para November 13 te aro dai ke panch sal adha jail saja beishe Thursday te.
Dai kari jola laga pe disqualified kuritishe saat sal aro nou moina nemite.
Add Comment