Indian-Origin Singapore Nurse ke COVID Services nemite President’s Award thishe

Singapore: Indian-orgin maiki 59 umer, kuan Singapore te nurse ase, tai tuh COVID-19 bemari samay frontline te kam kora nemite President’s Award for Nurses paishe. Kala Narayanasamy, melaikena pas(5) jun logot award tuh thishe, koikena Ministry of Health para Tuesday din te junai thishe. Award paa manuh sob ke trophy aro certificate te President Halimah Yacob para signed kurikena SGD 10,000 (USD 7,228) poisa paishe. Ms Narayanasamy tuh Woodlands Health Campus te Deputy Director of Nursing ase aro tai ke etu award tuh bemari control kora kam nemite ase aro tai 2003 saal te (SARS) bemar thaka samay lam tuh jaane-kena thakishe. Tai experience thaka nemite kam aro standard operating procedures thakina Yishun Community Hospital te COVID-19 bemari manuh khan  ke elach korishe.“ami SARS samay ke kam jaani-kena thakishe, atai etu koriase”, koikena Channel News Asia para Ms Narayanasamy para kam kora janai thishe. Tai tuh Singapore laga nursing te modernization howah te be shamil ase, aro tai laga boila projects para self-checkout vending machine olaikena saman track koriboli pareh. Etu kam sob tuh Yishun Community Hospital laga Woodlands Health Campus team khan para bona ase koishe. Etai Ms Narayanasamy tuh Woodlands Health Campus laga planning te shamil ase aro etu 2022 saal te kuliboli ase. Tai logot 40 saal experience thaka nemite tai para nursing services laga development tuh campus te medicine division nemite koriboli ase.“kuan nurse khan ahikena join kori, ami hotai nurse khan ke kowah tuh, tai khan ke reward thiboli ketai be fail nahobo,” tai koishe. Etu award 2000 saal te ola beche, aji dak te Seventy-seven nurses khan award paikena ase koishe.