Jammu, 23 July: Tuesday dinJammu and Kashmir laga Poonch district, Line of Control (LoC) deh Pakistan Army para hamla korise. Etu toh second par hamla kora laga ase.
Poonch, Krishna Ghati, Mankote arp Mendhar sectors deh cross-border firing toh hoi ase hoilebi Indian side para mora nohoile jokhom powah laga khobor toh powah nai. Etu khobor toh Jammu-based Public Relations Officer (PRO) laga Army Lt Col Devender Anand para janaishe.
Tai koise, Pakistan army para Poonch sector deh 1220 hours phali hamla korise. Etu bechide Krishna Ghati, Mankote aro Mendhar sectors deh mortars para hamla hoise. Etu nemide Indian Army para be tai khan ke hamla korise.
Officials koise, last four din deh etu toh third par wala cease fire violate kora ase. Etu time deh Army jawan aro ekta civilian morai deya thakise. Monday deh Rifleman Mohammad Arif Shafi Alam Khan Pathan ke Pakistani sepai para moraise. Etu toh Rajouri district laga Sunderbani sector deh thakise.
Saturday din Balnoi bosti laga ekta civilian toh Pakistani para hamla kora karni jokhom paise.
Add Comment