October 02,2020: Indian railways khan manishe aro bi 200 nishena 200 trains chulabole nimete etu bi Puja samay te passengers khan laga extra rush toh sapha kuribole nimete.
Etu trains toh October 15 para chulibo. Railway Board Chairman and CEO V.K. Yadav para Thursday te koishe ki etu national transporter khan aro bi October 15 aro November 30 majhotte 200 special trains olabole bhabona kuri ase passengers khan rush kuri thaka rukhabole nimete.
Indian Railways report kurishe ki Railways khan aro bi long routes te clone trains khan chulabole paribo judi demand toh uthishe koileb toh Indian Railways khan clone trains khan chulabole kurishe etu waiting list system khotom kuribole nimete.
Hudai sal festival khan Durga Puja, Diwali, and Chhath nohoa akhe te indian railways khan trains khan uthaideh kile koile toh etu samay te manu khan bera laga number toh uthi thakeh.
Railway Ministry khan aro bi manishe awareness campaign shuru kuribole nimete covid019 outbreak samay te.
Railway khan para sob regular passenger mail aro express train khan bondh kurishe March 25 te covid 19 pandemic nimete.
Etu national transporter para Shramik Special trains May 1 para shuru kurishe etu phasikena thaka migrant workers, pilgrims, tourists and students khan ke luijabole nimete.
Etu pichede tai khan para 15 pairs special air-conditioned trains shuru kurishe May 12 para etu pichede June 1 te 100 pairs trains shuru kurishe aro 80 nishena trains September 1 para shuru kurishe.
Add Comment