Indian Republic Day te British PM chief guest

LONDON: British Prime Minister Boris Johnson para January moina te India visit koriboli ase, etu samai tai Republic Day Parade te chief guest thakibo, koikena United Kingdom (UK) Foreign Secretary Dominic Raab aro Indian counterpart, External Affairs Minister S Jaishankar logot kotha kora beche junai thishe. Kotha kora beche, joint press conference thaka samai Jaishankar para koishe, tuita(2) sides pithor te 4 gonda oper alag-alag kam aro desh pithor te melikena thakiboli kotha koishe. “akhe sal te, ami khan jani ase global politics besi putli hoishe aro ami tui jun oper te besas ase eke logot melikena kam toh bhal para koribo,” tai koishe, aro important kotha neshina Afghanistan laga halat aro Gulf te aro Indo-Pacific jaga nemite be kotha korishe. Jaishankar para koishe, terrorism aro radicalism oper te shared korikena kotha te milaishe. “Prime Minister Boris Johnson para Prime Minister Narendra Modi ke UK-hosted G7 summit samai aha sal matishe. UK Prime Minister para be India laga Republic Day celebrations (chief guest) aha sal January moina te ahiboli toh besi kushi ase koishe,” etu khobor toh Raab para janaishe. Jaishankar para koishe, Johnson para Republic din te ahiboli manai toh Indo-UK pithor te notun sal soruh kora sign ase koishe. Raab para tin(3) din December 14-17, India visit kora toh UK khan European Union logot Brexit trade deal nemite kotha kori thaka samai ase. British foreign secretary toh Environment Minister Prakash Javadekar aro Education Minister Ramesh Pokhriyal logot be lol bapoli ase koishe. Raab toh Bengaluru jaikena Karnataka Chief Minister B. S. Yeddyurappa ke lok koribo koishe.