Indian Student, 26, US Waterfall dey girina murishey

Andhra Pradesh, 9 July : Andhra Pradesh para ekta 26-saal Indian mota ekta waterfall dey girina murishey, Albany New York state dey, India laga Consulate kuishey. Sai Surya Avinash Gadde, Andhra laga east Godavari district dey Gopalapuram Mandal laga Chityala para, July 7 dey Barberville Falls, Albany dey murishey. Itu student laga LinkedIn profile dikhaishey ki tai Indiana laga US state dey Trine University dey 2023-24 session karney enroll kurina thakishey. July 7 dey, itu student, tai laga dangor didi khantan logot, ekta saathi laga ghor dey jaishey. Tatey para, itu tuita khantan laga manu khan sob itu osor dey thakia waterfalls sawoley jaishey. Tai galti parab itu waterfall dey girina muri jaishey. Ekta dozen aatha logot bishi Indian students aro alag US dey 2024 dey jaan jaishey. Jaa mahin, 32-saal Dasari Gopikrishna, kun US dey ek saal komti agey dey ahishey, Pleasant Grove, Dallas, Texas laga US state dey ekta convenience store dey chori thakia homoi golee marina muri jaishey, June 21 dey. New York dey India laga Consulate General para US dey padhai kuri thakia Indian students karney ekta special platform develop kurishey taikhan ke support kuriboley.