Mumbai, 11 April : Indian Super League 2023-24 season laga final toh May 4 dey thakibo kitia playoffs toh April 19 para shuru huwoley asey, football tournament laga organisers para Thursday dey kuishey.
Final laga venue toh julti announce kuri diqo, Football Sports Development Limited (FSDL), league laga organiser kuishey. “Itu season final toh May 4 dey luwo. Final dey ekta jagah karney ladai toh April 19 para knockout matches logot shuru huwo kuntu piche dey home aro away format dey semi-finals thakibo,” ISL para ekta statement dey kuishey.
League stage khotom hua dey top tuita teams toh semi-finals karney directly qualify huwo, kitia sides kuntu sixth dey third khotom huwo, knockout format dey ekta single-leg playoff khilibo alag tuita semi-finalists ke determine kuriboley.
ISL laga 2023-24 season toh sobse competitive ekta thakishey kitia Mumbai City FC aro Mohun Bagan toh League Winners Shield jitiwoley fray dey thakishey.
Itu six playoffs teams toh sixth spot logot confirm huishey kuntu Chennaiyin FC para luishey, East Bengal FC toh Punjab FC laga khilaf Wednesday dey haria piche dey.
Mumbai City FC aro Mohun Bagan SG logot, Odisha FC, FC Goa aro Kerala Blasters FC toh playoffs karneh qualify huishey.
Playoffs schedule: Knockouts – April 19 & 20 Semi-finals (1st leg) – April 23 & 24 Semi-finals (2nd leg) – April 28 & 29 Final – May 4.
Add Comment