Indian team de Mary Kom pora lead koribo

Agencies, 28 September: Friday din AIBA women’s world boxing championships  nemide 5-par champion M C Mary Kom (48kg) logode 10-Indian team ke lead koribole naam janaise. Etu champoionship toh November 15 pora 24 tak thakibole ase. India de etu tournament toh first time 2006 de lowah thakise. Olympic bronze-medallist Mary Kom toh etu championship de tai laga sixth gold bonabole aim koribole ase. Team de tusara members khan toh Pinky Jangra (51kg), Manisha (54kg), Sonia (57kg), L Sarita Devi (60kg), Simranjit Kaur (64kg), Lovlina Borgohain (69kg), Saweety Boora (75kg), Bhagyabati Kachari (81kg) aro Seema Poonia (+81kg) ase. 13th International Silesian Boxing Championships Poland de 32nd Ahmet Comert Tournament Turkey de ektum phal khel khela bechide Mary Kom, Lovlina, Sarita, Baghyabati aro Simranjit logode team de kushibole parise. Etu moina agae din phalli Mary pora Poland gold jeta thakise. Lovlina aro five-par Asian Champion aro purana world champion Sarita pora tai khan laga categorise de bronze jeta thakise. Etu nesana Simran toh Bagyabati logode gold jeta thakise Turkey de.  Hoilebe tusara khelari khan ke toh Friday din trail hesab de juna thakise. Purana Commonwealth Games bronze-medallist Pinki pora Ritu Grewal logode jeta thakise aro Manisha pora Meena Kumari Devi logode jeta thakise. Desh nemide performance de saijaile 2006 championshiptoh sobse phal wala thakise. India pora medal tally de top koribole para toh four gold, three silver aro one bronze medal pora thakise. Wrold Championship de India laga team toh M C Mary Kom (48Kg), Pinky Jangra (51Kg), Manisha (54Kg), Sonia (57Kg), L Sarita Devi (60Kg), Simranjit Kaur (64Kg), Lovlina Borgohain (69Kg), Saweety Boora (75Kg), Bhagyabati Kachari (81Kg) aro Seema Poonia (+81Kg).