Islamabad, 3 February : Indian Davis Cup team toh Islamabad Sports Complex dey taikhan laga Davis Cup match karney ahishey kuntu arch-rivals Pakistan laga khilaf asey, kuntu Saturday dey shuru huwo. New Delhi dey Pakistan High Commission para Indian Davis Cup team ke visa issue kurishey, support staff bhi milaina, Davis Cup World Group -1 Playoff Tie khiliwoley Pakistan aro India bheej dey. World Group 1 play-off tie toh Islamabad Sports Complex dey khiliboley asey February 3 aro 4 dey.
Indian Davis Cup squad toh Pakistan dey 1964 para luina agey par sawari kurishey.
Agey dey, All India Tennis Association (AITA) para Davis Cup 2024 World Group I play-off karney ekta six-member Indian tennis squad uthaishey Pakistan laga khilaf.
Former khiladi Rohit Rajpal toh Indian Davis Cup team laga non-playing captain nishna thakibo, kitia Zeeshan Ali toh coach thakibo.
Huilewi, itu squad dey veteran Rohan Bopanna nathakibo. Itu 43-saal Bopanna para tai laga final Davis Cup appearance toh Morocco laga khilaf ekta match dey panaishey September dey, aro India para 4-1 jitishey.
Team India: Yuki Bhambri, Ramkumar Ramanathan, N Sriram Balaji, Saketh Myneni, Niki Kaliyanda Poonacha, Digvijay SD Prajwal Dev (reserve), Rohit Rajpal (captain).
Indian tennis team laga sobse bhaal Davis Cup performances toh 1966, 1974, aro 1987 dey thakishey, kitia taikhan second place dey khotom huishey.
Add Comment