January 27, 2024: Friday din Iranian-backed Houthis para ekta missile fire kuri shae Guld of Aden deh taka ekta merchant vessel deh. Missile laki jah tho jui juli jai shae vessel tho aro vessel para ekta distress call patai shae. Indian laka guided missiles destroyer INS Visakhapatnam para etu distress call keh respond kuri shae, officials kan para kui shae.
Houthi rebels kan para Friday din deh Marshall islands-falgged tanker MV Marlin Luanda struck kuri shae ekta missile fire kuri nah. Etu incident tho sobse latest hamla ase region deh taka commercial shipping laka against, officials kan para kui shae. Etu oil tanker tho UK-based Oceonix Services para operated kureh.
“MV Marlin Luanda laka request laka isap deh, INS Visakhapatnam para crew keh motot kuri bo karne taikan laka NBCD (nuclear biological chemical defense aro damage control) team patai shae firefighting saman kan lokot deh,” Indian Navy para ekta statement deh kui shae. Vessel laka crew deh 22 Indians aro ekta Bangladeshi ase. Mayday call tho Vessel para Friday rati deh patai shae kui shae navy para.
Add Comment