Pokhara, 5 February : AIFF (All India Football Federation) anusar, Budhbar din Pokhara Rangasala Stadium te SAFF U19 Women’s Championship 2026 laga last round-robin match te Indian U17 women’s team Bhutan ke 8-0 harai dise.
Pearl Fernandes (16’, 39’, 41’) first half te hat-trick marise, aru Pritika Barman (25’, 90’) duita half te ekta-ekta goal dise. Alisha Lyngdoh (6’), Abhista Basnett (10’) aru Divyani Linda (17’) ekta-ekta goal kori dise.
Young Tigresses final te jagah paise, karon Budhbar din dusra match te Bangladesh hosts Nepal ke 4-0 harai dise.
Etu pora India table te second position te finish korise, 3 match pora 6 point loi, leaders Bangladesh pora 3 point piche. Hosts Nepal 3 point loi third te ase, aru Bhutan ekdom last te, ekta point nai.
Top duita team, India aru Bangladesh, etiya Saturday, February 7 din final te mukamuki hobo.
Add Comment