Indian Women’s Junior Hockey Team para Uruguay ke Shootout te haraishey

Argentina, 2 June : India Uruguay logot laga junior women’s Four Nations Hockey Tournament laga fifth match te 2-2 draw hobo par bhi, shootout te 3-1 score te jeet loishey. Match Argentina laga Rosario te khelishey.

India laga vice-captain Hina (10’) aru Lalrinpuii (24’) surute doita goal maari India ke early lead di disey. Shootout te Geeta, Kanika aru Lalthantluangi nijor chance convert kori India ke jeet dibole motut korise.

India strong shuru korise, kutey Hina 10th minute te ekta goal maari disey, aru 24th minute te Lalrinpuii second goal te India ke 2-0 lead te loi jaisey halftime te.

Kintu last quarter te Uruguay comeback korise. Ines de Posadas 54th minute te ekta goal maari disey, aru 3 minute pichete Milagros Seigal equalise kori 2-2 banai disey.

Shootout te India shantite khelise, aru Geeta, Kanika aru Lalthantluangi laga lagatar goal te advantage loi lujaisey. Uruguay ekbar he score koribo parishey.

Ahibola Sunday te India host team Argentina logot khelibo.

India laga tournament ekta rollercoaster nisina hoisey—ekdom exciting. May 28 te, India goalkeeper aru captain Nidhi charta bar save korise, aru India Argentina ke shootout te 2-0 harai disey, juntu match regular time te 1-1 draw hoisey.

India laga ekmatra goal Kanika (44’) disey regular time te, aru shootout te Lalrinpuii aru Lalthantluangi goal maari India ke jeet dibole motut korise.

Argentina laga strong shuruwat te, Milagros Del Valle (10’) first quarter te goal maari disey. India third quarter te Kanika laga goal te equalise korise.

No goal aahile match shootout te gaisey.

Saturday laga match Uruguay logot India laga dusra jeet hoisey. May 26 te Kanika Siwach duita goal maari, aru Sonam (21’) ekta goal disey, juntu te India ekta tough 3-2 victory loi disey.

Uruguay laga Milagros Seigal (3’) early lead disey penalty corner te, kintu India second quarter te Sonam laga penalty corner goal te equalise korise. Itu pichete Uruguay Agustina Mari (24’) laga goal te feri lead loi jaisey.

Last quarter te India bounce back kori, Kanika duita goal maari disey—ekta penalty corner aru ekta field goal te—aru India laga jeet confirm hoishey.