Serbia, 18 April : Spotlight toj two-time Olympian Vinesh Phogat upar dey thakibo kitia tai 16 alav Indian wrestlers logot Paris Games quota places karney Asia Olympic qualifiers dey khidawo kuntu Bishkek dey Friday dey shuru kuribo. 36 quotas tak nishna 18 weight categories dey thakibo three disciplines dey — freestyle, mahila aro greco-roman — itu event homoi, India para sob huilewi ekta weight category dey represent kuribo. Antim Panghal, 19, para mahila laga 53kg dey India karney ekta spot luishey, bronze medal jitiwoley laga feat, 2023 World Wrestling Championships dey Belgrade, Serbia dey.
Itu toh pachina thakia Indian wrestlers karney time huwo, Vinesh (60kg), Reetika Hooda (76kg), itia laga Under-23 world champion Anshu (57kg), Mansi (62kg) aro Nisha (68kg) nishna khan taikhan laga sobse bhaal agey haliwoley aro taikhan laga quota places seal kuriboley.
Huilewi, alag Indians kun bhi scanner laga andar dey Vinesh nishna nathakibo, itu 2018 Asian Games aro 2022 Commonwealth Games medallist, kun Indian wrestlers protest laga maju dey ekta shakal thakishey former national federation (WFI) president Brij Bhushan Sharan Singh laga khilaf.
Itu 29-saal, kun news dey galti kaaran karney ahi asey, March dey 50kg dey national trials jitishey. Juti, Patiala dey selection trials dey, tai 53kg category dey bhi compete kurishey authorities para taike allow kuria piche dey huilewi tai semifinals dey harishey.
Vinesh bhi alleged kurishey ki tai laga personal coach aro physio ke Asian Olympic qualifying tournament karney accreditation maana kurishey.
Tai toh sob awaaz tai laga piche dey rakhina ekta bhaal show haliwoleh desperate huwo tai laga third Olympics kuriboley.
Mota laga freestyle category dey, Aman Sehrawat (57kg) para tai laga jagah earn kuria piche dey limelight ke hog kuribo, Tokyo Olympic medallist Ravi Dahiya ke national trials dey outwitt kuria piche dey.
Tai laga form bhi bhaal asey kitia tai Zagreb Open dey itu saal January dey gold luishey.
Alag maju dey, Sujeet ke bhi osor para sawo kitia tai 65kg category dey challenge ke lead kuribo, Tokyo bronze medallist Bajrang Punia haria piche dey.
Deepak Punia (86kg), kun Tokyo Games dey medal jitiwoley osor thakishey, ekta bhaal outing sawo, kitia Jaideep (74kg), Deepak (97kg) aro Sumit (125kg) bhi India karney ekta quota luwoleh taikhan laga sobse bhaal khel dikhawo.
Eku gold medal nathakibo, repechage nahuiley bronze-medal bouts, continental qualifiers dey kutey tuita semi-finals laga winners, each Olympic weight class dey taikhan laga desh karney Paris Games dey ekta quota earn kuribo.
Greco-roman dey, Sumit (60kg), Ashu (67kg), Vikas (77kg), Sunil (87kg), Nitesh (97kg) aro Naveen (130kg) toh ekta bhaal show karney sawo.
Add Comment