Saturday din New Delhi jaga deh India laga 70th Republic Day toh security ektum tight thakikena phal para manaishe. Etu din deh Prime Minister para event toh suru korishe aro tai logode Chief Guest South African President Cyril Ramaphosa para shaat dese. Besi dangor leader, Home Minister Rajnath Singh aro External Affairs Minister Sushma Swaraj, aro former prime ministers Manmohan Singh aro Deve Gowda, Congress leaders Rahul Gandhi aro Ghulam Nabi Azad and Delhi Chief Minister Arvind Kejriwal toh Rajpath jaga deh ahha thakise. Parade toh Vijay Chowk jaga para suru howah thakise aro Red Fort jaga deh toh Rajpath, India Gate, Tilak Marg, Bahadur Shah Zafar Marg aro Netaji Subhash Marg para ahha thakise. Alag-alag state aro government department para 22 tableaus toh Republic Day parade deh show dekhaideya thakise.
Parade debe first time Indian National Army (INA) laga 90 sal opor experience Parmanand, Lalti Ram, Hira Singh aro Bhagmal ahhaikena hesha loise. Tusara highlight deh, American howitzers M777, Main Battle Tank (MBT) T-90 aro nejor para bona Akash weapons system be parade deh dekhaideya thakise. March korikena thaga Army contingents majode Madras Regiment, Rajputana Rifles, Sikh Regiment aro Gorkha Brigade be thakise.
President Ram Nath Kovind para Ashoka Chakra award dese
Jowah sal November moina Kashmir’s Shopian jaga deh terrorists logode fight korikena morija Lance Naik Nazir Ahmad Wani logode Ashoka Chakra award dese.
Etu award toh sobse dangor award ase aro etu toh tai laga mon dangor ke heshab korikena deya laga ase. President Ram Nath Kovind para Republic day din deh, Lance Naik Nazir Ahmad Wani laga maike aro ama logode award toh de-dese. Tai etu award powah toh Kashmiri majode first wala ase.
Add Comment