New Delhi, 28 October : Wrestling te, India laga Sujeet Kalkal Under-23 World Championships te gold medal jitishe. Men’s freestyle 65-kilogram category te kali khelia time, Kalkal Uzbekistan laga Umidjon Jalolov ke 10-0 score te harai dise. Match 4 minute 54 second cholise, aru referee contest rokidise aru Kalkal ke winner by superiority hisab te declare korise — juntu tai laga pura control mat te dikhai dise. Itu Kalkal laga first world title ase. Tai age te bhi duita U-23 Asian title aru ekta U-20 Asian Championship gold medal jitise.
Itu age, Indian women’s wrestling team bhi 5 bronze medal aru 2 silver medal jitise, aru eki event te team championship title bhi loi jaise.
Sujeet laga medal etiya tak India laga khali medal ase men’s Under-23 Senior World Wrestling Championship te. Aru duita dusra wrestler bronze medal match te compete korise, kintu jitibole parianai.
Add Comment