Saturday, November 1 – Ekta dangor security alert Friday morning te asey jab IndiGo flight Jeddah para Hyderabad jai thaka time te “human bomb” threat paishe. IndiGo 6E 68 flight, jaate bishi passenger thakishe, threat email Rajiv Gandhi International Airport (RGIA), Hyderabad te 5:30 baje around paishe.
Report hisap te, email te likha ase ki LTTE aru ISI link thaka lok khan Madras airport te thaka bombing nishena ekta blast plan korishe. Airport authority khan turant security agency aru airline ke inform korishe. IndiGo, Directorate General of Civil Aviation (DGCA) aru Bureau of Civil Aviation Security (BCAS) laga instruction follow korikina, flight ke Mumbai te divert korishe safety check kuribole.
Mumbai ponchi pichete, sob passenger khan safely evacuate kora hoishe, aru aircraft ke isolated area te rakhikena Bomb Detection aru Disposal Squad te thorough checking korishe. Mumbai Police aru CISF personnel khan cabin, baggage, aru cargo section te detail search korishe. Etiya tak kun bhi suspicious object pa nai, kintu investigation choli ase threat email kotha para find out kuribole.
IndiGo laga statement te company janai dishe ki flight ke divert kora hoishe “specific security threat” karone aru sob passenger safe ase. Airline full cooperation dishe investigation te.
Etu incident te aviation security upor bishi concern uthishe, karon recent time te email para hoax threat barhi ase. Authority khan janai dishe ki jiman manu khan etu false alert pathaishe, taikhan upor strict action lobole ase, karon aji kali etu nishena kaam panic create kori, flight operation disturb kori, aru manu laga jibon risk te di ase.
Add Comment