Indo-Canadian keh ekta shooting deh muri jai shae

July 28, 2024: Ekta 25 sal laka Indo-Canadian, kun lokot deh alleged gangland links ase, tai ekta shooting laka victim ase kui nah identity kuri nah ase. Shooting tho Friday rati deh hui shae, Vancouver jaka deh. Saturday din ekta release issue deh, Vancouver Police Department (VPD) para mura manu tho Hitkaran Johal ase kui nah identify kuri shae, kun collision laka scene deh muri jai shae. Police kan keh, Friday din 9pm phale mati shae. Ekta gari deh tuita mota goli mari shae kui nah report pai shae Police kan. Etu eki gari tho aro tuita alak gari lokot laka laki hui shae. Non-life threatening jokom karne ekta manu keh hospital deh lui jai shae. Police para overnight homicide keh probe kura time deh, police para taikan shooting tho targeted taki shae kui nah biswas kureh kui shae. Police para itia tho eku public safety risk nai kui shae. Release para eku arrest kan banai nai kui shae itia takt ho aro investigation tho itia b chalu ase kui shae. Etu incident tho hua piche deh, utu jaka deh ekta gari keh julai di shae. Enaka gari julai dia tho gangland hits lokot deh associated ase. Hoile b investigators kan itia b sure nahoi, julai dia tho shooting lokot deh connected ase nah nai kui nah.