KOHIMA, SEPTEMBER 20 : Sorkar Resolution kobi Indo-Naga Piolitical Issue nemite bhal kotha janaide kena Chief Minister Neiphiu Rio pora sob Joint Legislative Forum ke khushi baa kotha janaide thakise. Etubi Naga Political Issue nemite chulti pora kotha mela kuribole karne besi dukh kurikena ahkete ahebole kura karne.
Tai bi Prime Minister Narendra Modi ke aro NDA Sorkar kan ke besi khushi baa janaide thakise. Kele tai kan pora ami kan Naga Political Issue nemite ahkete sabole kura karne. Aro tai bi Narendra Modi laga bitorte hi ami kan Naga Political laga kotha toh thik te manabole kura huijabo koi kena ekdam bisas ase koi kena janaide thakise koise.
Neiphiu Rio porabi People’s Democratic Alliance (PDA) pora ami kan Naga Political kotha nemite ahkete saidebole hisabte kuri ase. Aro murijaa Atal Bihari Vajpayee pora 28th October 2003, Kohima te kotha kura janaide kena etu Rio porabi India desh laga sob states kan majutte ami kan Nagaland laga kahani toh ekta alak wala ase. Aro etu toh ekdam husa laga kotha ase koi kena janaise. Etu pora tai bi Naga ami kan edia toh asul kotha te ahejabole hisabte ekdam bisas thaka huise. Aro etu asul kotha toh husa kebi ekdam bhal te ami kan Naga manu kan sob nemite mela kura huijabole ase koi kena janaide thakise.
Tai bi PDA laga Political Affairs Committee aro Elected Members kan 11th May 2018 te State Banquet Hall, Kohima te sob Naga Tribal Hohos logot meeting manaise. Etu pora tai edia toh etu meeting mana pora ami kan sob Nagas logot ekta nemite anediya hobo aro etu pora ami kan Naga logot bhal pora ahkete luijua hobo koi kena janaide thakise koise. Ta bi etu meeting te 6 points Resolution ulaise. Aro etu Resolution pora Government of India, NSCN-IM aro NNPG Groups Working Committee kan sob ke ekdam mon khushi baa (deep gratitude) janaide kena ase koise. Kele tai kan sob ami kan Naga Political kotha nemite eke pora melekena ahkete bhal te kotha manabole kuribole aha karne koi kena. Etu meeting mana time te chama kura kan porabi NSCN-K kan ke etu Naga Political kotha mana ke eke pora melejabole kuribi koi kena janaise. Aro Nagaland Legislative Assembly logot kebi Joint Legislative Forum ulabole kuribi koi kena janaise. Kele etu pora hi etu Naga Political kotha thik pora aro aramse manabole bara huijabo koi kena.
Rio porabi tai kan PDA Sorkar kan etu Naga Political kotha nemite thik pora melekena kotha manabole kuribo. Aro ami kan Naga manu kan ekta nemite hi neju jaka te khushi pora thakibole laga ke ene nacharidebo. Ulta ami kan sob ekta nemite khushi pora thakibole laga hisabte etu Naga Political kotha manabole kuribo koi kena janaide thakise.
Add Comment