Agencies, 1 September: Saturday din presidential pora jaanideya hesab de, Asian Games phal pora host kori thaga de, Indonesia toh 2032 Olympics de host aim kori ase. August 18 pora Southeast Asian desh khan toh dangor multi-sport event host kori ase aro lamba time karni ticketing de dekthari pai thaga Games toh Sunday de kothom hobole ase. President Joko Widodo pora janaideya hesab de, tai khan Asian Games host kori kena experice powah pora tai khan aro dangor event toh host koribole paribo koise. Etu karni Indonesia toh 2032 Olympics de host koribo karni candidate nemide joldi khara koribole aim kori ase koise. Indonesia ke Summer Olympics host koribole chance paise koile host kora de fourth Asian desh hobole ase. First toh Japan, second toh China aro third toh South Korea ase. 2020 Summer Olympics toh Tokyo pora host koribole ase. Etu bechde 2024 Games toh Paris pora host koribole ase aro jar-sal bechide Los Angles pora host koribole confirm hoise.
Add Comment