Jakarta, Indonesia: Friday din para Indonesia laga Central Sulawesi province te 6.8 magnitude para mati hela pichete komti hoile bhi bista (20) aftershocks aha record kurishe.
Indonesia laga Meteorology, Climatology and Geophysics Agency (BMKG) chairperson para Xinhua ke koishe ke BMKG para saa hesab te nou (9) nabaja tok alak alak magnitude para mati helishe.
Chairperson Dwikorita Karnawati hesab te richter scale te sob para dangor aro shaktishali (strongest) aftershock 5.6 record kurishe.
Indonesia jaga te 6.8 para mati hela pichete tsunami ahibole laga chetavni (alert) bhi dishe. September moina te duita earthquakes aro tsunami aha nimite 4,340 manu khan ke murai dishe.
Jua September te aha 7.5 magnitude laga earthquake para dhuk lok pa toh etiya tok bhi thik kuri ase. Etu ghatna toh Indonesia laga Palu aro Donggala jaga te hoishe.
Add Comment