Jakarta: Monday din te Indonesian authorities para chatavni (warn) kurishe ke illegal gold mine collapse kura te aro ekso (100) genika manu khan fasi kena thakibole bhoi kuri ase. Aro tai khan shak kuri as eke etu bhitor te manu khan bhi fasi kena thakibole pare koishe. Rescuers khan kunu-rukum 19 manu khan ke rubbles para ulabole parishe hoile bhi etu khan majote nouta (9) manu khan murijai kena thakishe.
Authorities koishe aro aha hafta nimite search aro rescue effort toh continue kuribo koishe. National disaster agency spokesman Sutopo Purwo Nugroho koishe etu ghatna huwa samay te kiman miners khan shafts bhitor te thakishe etu opor te khobor toh eman bhal para najani kena ase. Kile koile bachija (survivors) khan para miners khan laga alak alak ginti de thaka nimite ase.
Tai para statement te koishe kunba manu khan para 30 manu koishe aro dusra manu khan para 50, 60 manu koishe aro dusra khan para ekso (100) manu tok bhi koishe. Kile koile etu samay te main pit te manu bishi thakishe. Aro chutu pit te aro kiman manu thakishe etu opor te eku bhi najani kena ase.
Add Comment