BANDA ACEH, INDONESIA: Khobor hesab te Wednesday din shaadhi nohuwa mota aro maiki khan laga group khan ke Indonesia laga Aceh Province te marishe. Tai khan ke mara laga karan toh tai khan bahar te manu khan osor te biya kaam kuri thaka dhura nimite ase. Etu toh Islamic kannon nichete ghuna (crime) ase.
Etu jaga khan te ghuna (crime) kurile toh lathi loi kena mara toh common kotha ase.
Duniya laga sob para dangor Muslim bishi thaka desh te etu jaga he khali ekta province ase kote Islamic kanoon toh thik para cholai.
Thursday din te panchta shaadhi nohuwa couples khan toh char bar para 22 bar tok lathi para mar khaishe. Tai khan ke rattan cane para marishe. Etu toh provincial capital Banda Ache laga bahar te thaka mosque bahar te marishe. Etu toh tai khan olop moina jail te thaka pichete ase.
Msk lagai kena thaka sharia officer para kanoon biya kura khan ke mara toh bishi manu khan para sai thakishe. Etu te bacha khan para bhi sai thakishe.
Religious officer Safriadi koishe ke ami khan asha kuri as eke aha din khan te etu ginika cases toh ami khan aro lok napabo. Etu toh bishi sorom laga kotha ase.
Add Comment