JAKARTA, OCTOBER 2 : Tuesday din Indonesian Sorkar pora tai kan desh laga Island Sulawesi te mati hela aro tsunami hua pora manu mura edia toh 1,234 jun huise koi kena khobor te janaise. Etubi jua din te 844 huikena thaka pora edia toh besi uthe kena ase koi kena.
National Disaster Agency nemite kotha kura manu Sutopo Purwo Nugroho pora koa hisabte Tuesday 1:00 pm paji phale pora 1,234 mura huijaise koi kena janaise. Huilebi etu mura toh arobi besara-besari kurikena saise koile 1300 pora besi hobole nesena ase koise.
Add Comment