Indonesian diver morise

Jakarta, 03 November: Saturday din official khobor hesab deh, jowah hapta phalli sea jaga deh Lion Air plane keri kena 189 jun mora ke  recover koribo karni Indonesian diver jaa morise. Friday deh Syachrul Anto, 48 mora toh search team laga part thaga manu ase. Indonesian navy’s search aro rescue division laga Isswarto, commander pora AFP logode kowah toh, yachrul Anto toh Search aro Rescue Agency logode volunteer thaga ase. Tai toh pressure pora morise pari koise. Anto toh September moina Palu jaga deh earthquake aro tsunami pora dekthari pai thaga jaga deh thakise. Aro poila Air Asia plane laga-lagi hoi kena hatsa howah jaga debe tai thakise. Monday din kera Lion Air plane toh Jakarta pora Sumatra island laga Pangkal Pinang city jaga deh jai thaga ase. Etu plan toh ori kena olob minute howah bechide kera thakise aro plan deh thaga sob manu moraideya thakise. Pani pethor pora nanai koilebe 73 bags body parts recover hoi kena ase. Hoilebe etya tak khali jarda dehe jani kena ase. 1999 deh suru howah Lion Air toh Indonesia laga budget airline thaga ase aro etu airline toh Southeast Asia, Australia aro Middle East laga kunbah jaga dehbe operate kori thaga ase.