Indore te Black fungus brain te thurishe

Indore:Mucormycosis / black fungus bemar toh Madhya Pradesh, Indore te Government Maharaja Yeshwantrao Hospital te komti hoilebi 15 per cent neshina bemari manuh laga brains te thurikena ase, koikena Monday din senior doctor para khobor toh juanishe. Maharaja Yeshwantrao Hospital te 368 Mucormycosis bemari manuh admitted korikena thaka khan logot study kora hesab te 55 manuh laga brains te CT (computerised tomography) and MRI (magnetic resonance imaging) scans kora para khobor toh janishe, koikena head of department, neurosurgery, MYH, Dr Rakesh Gupta para janaishe. Hoilebi bemari manuh laga brains te “infection komti” ase aro 4 jun manuh toh bemari toh spread nahobo nemite tangor brain surgery koriboli lage, koikena Dr Gupta para koishe. Tai aro koishe, etu manuh khan hospitalization nahowa akhe te bemari toh sinus para thurishe. Konuba experts khan para koishe ke, black fungus bemari laga 1^st samai symptoms toh headache aro vomiting aro dosura khan toh bemari samai yaat harijai koishe. Etu samai dosura official ek jun para koishe ke, Amphotericin-B injections komti howa nemite black fungus bemari logot kam koriboli besi dukh te ase. Black fungus bemar toh besi bakh COVID-19 bemari logot bhal hoikena thaka manuh logot thuri. Konuba cases te toh coronavirus bemar nathakile be Mucormycosis cases toh thuri jai koishe.