Industries and Commerce Officers Annual Conference Cum Workshop suru korise

Kohima, 19 April: Tui din annual conference cum workshop toh Department of Industries and Commerce laga schemes aro programmes te 19^th of April 2022 te Directorate of Industries and Commerce, Kohima laga Conference Hall jaga te suru korise.

Event toh ekta short short inaugural programme logote suru howa thakise aro Imnatiba, Advisor Industries, and Commerce, Employment, Skill Development and Entrepreneurship, Government of Nagaland toh guest of honour hisab te thakise.

Event te Imnatiba para conference lowa laga ekala karan toh department laga officers nemite tai khan dekthari powa opor te bhabona khan janaidebole agae ahibole aro issue te kamiyab/overcome koribole kotha koribole nemite aro etu para department phal para jolibole aro public ke sob capacity te phal para serve koribole nemite ase koise.

Tai para be state te enemployment dekthari othi thaka opor te koise aro Department te zamidari toh private sector te avenues aro employment opportunities bonabole deshe koise aro etu nemite tai para department laga officers ke nejor laga duty te method/approach te innovative hobole aro young aro upcoming entrepreneurs nemite facilitators aro consultants hisab te act koribole koise. Imnatiba para be sob hisha lowa khan logote sob districts aro subdivisions te alak alak schemes aro programmes bona opor te kowa thakise.

Kekhrievor Kevichusa, Commissioner and Secretary para be event te kotha kora thakise aro officers ke workshop te actively hisha lobole monn dangor kora thakise aro flagship programmes aro centrally sponsored schemes te kenaka best bonabo etu opor te phal para kotha koribole lakiya koise.

Inaugural programme te Temjen Jamir, Addl. Director para chaired thakise; Vitsutho Nyuthe, Director Department of Industries and Commerce para welcome address present korise.

Tui din annual conference cum workshop lowa te General Managers of the District Industries Centres para first din te Schemes aro programmes opor te highlight koribo aro second din te programme officers para department laga alak alak schemes aro programmes te presentations thakibo.