May 22, 2024 : Deputy Commissioner Niuland, Sara S Jamir para itu Integrated Health Campaign loishey, DC’s Conference hall, Niuland tey, 22nd May, 2024 tey.
Itu Deputy Commissioner para itu jama kuria khan ke address kurishey, tatey Chief Guest hisap buhi kena, tai para state kurishey ki, judi ekta society aru nation toh grow kuriboley asey koishey, tatey healthy citizen khan lagi asey aru healthy citizen khan thakiboley lagi asey, bhal health care facility khan toh lagi asey. Niuland ekta notun create kuria laga district ekta thaki kena, itya bhi ekta District hospital nathaki kena asey, aru kuntu nimitey itu DC para request kurishey itu stakeholder khan ke, specially medical official khan ke, itu napuncha laga poket khan ke punchiboley itu district laga, eneka hoiley itu campaign laga objective toh hoiley successful hoboley paribo.
Itu HIV/AIDS & TB problems laga regard tey Jamir para koishey, stigma aru discrimination toh hoiley bishi harmful asey, itu disease para bhi aru itu concern department khan ke urge kurishey, intensive awareness camp khan conduct kuriboley itu district tey.
Project Director, NSACS, Dr. Ahu Sekhose para itu keynote address kurishey, aru utu homoi tey, Deputy Director, STI & Nodal Officer IHC, NSACS, Dr. Zaiwang para ekta presentation dishey IHC opor tey. Dr. Benchilo Ngullie chairperson thakishey itu program laga aru tai para gratitude laga word share kurishey.
Add Comment