November 24, 2023 : Itu Interdepartmental Tournament 2023 laga inaugural program tey toh hoiley Badminton Stadium tey para loishey, Phek district tey, 23rd November, 2024 tey, Phek laga SP – Dr. Pritpal Kaur Batra, IAS logotey, tai tatey special guest hisap buhi kena.
Tai laga inaugural speech tey Dr. Kaur para Bible Verse purishey, kuntu 2nd Timothy Ch 2 vs 5 purishey aru koishey “Ekta Athlete ke manu khan para ene khushi napai kitya tak tai rules laga hisap tey nakhiley koiley” aru state kurishey ki, sports toh moi khan discipline, team work, dedication aru sports spirit shikhai. Tai para itu bhi koishey ki, sports para moi khan laga gaaw aru dimak laga health ke maintain kurey, kuntu toh disease khan ke prevent kurey health tey, itu nimitey sob manu toh hoiley hudai games khan khiliboley lagey, nijey nijey laga interest hisap tey aru para laga hisap tey, tai para koishey.
Special guest para itu pichetey inaugurate kurishey itu dui din laga Inter Dept Tournament toh (23-24th November 2023) laga, Badminton aru shuttle shot para, kuntu pichetey ekta exhibition match toh hoiley khilishey, Phek laga SP, CO 5th NAP, Phek laga DC aru alag khan mili kena.
Add Comment