March 25, 2025, 08:02 PM: Inter District Government Higher Secondary School aru Government High School Tournament 2025 laga Inaugural Programme toh hoiley Samagra Shiksha Nagalan para shuru kurishey, Medziphema, Chumoukedima laga local ground tey, 25th March, 2025 tey, tatey Advisor, School Education aru SCERT, Dr. Kekhrielhoulie Yhome chief guest hisap thaki kena.
Itu inaugural function tey kotha kuri kena, Yhome para sob school administration ke thanks janaishey, cooperation nimitey, itu teen din laga sports event tey. Tai para itu student khan ke encourage kurishey, keneka sports para fitness aru healthy lifestyle aru manu laga talent khan promote kurey.
Dr. Yhome para student khan ke bhal para excel hoboley karney aru itu pura race toh excellence logotey khotom kuriboley urge kurishey, tai khan jeetilebi harilebi.
16 district khan laga participant khan itu teen din laga event programme tey part loboley asey, kuntu toh hoiley teenta location khan tey khiliboley asey – : Local Ground, Government Higher Secondary School Ground aru Indoor Stadium Medziphema tey, 14 discipline tey.
Add Comment