May 07, 2024 : Itu poila bar Inter School Cricket Tournament (Under – 16 Boys), organise kurishey, Kiphire District Cricket Association (KDCA) para, kuntu toh hoiley underway tey asey, Public Ground, Kiphire tey, 6th May, 2024 tey para, kuntu toh hoiley Kiphire laga EAC – Kudazo, NCS para grace kurishey, tatey special guest buhi kena.
Tai laga speech tey, Kudazo para itu Kiphire District Cricket Association opor tey laud kurishey, eneka nishina tournament initiate kuria nimitey, itu jawan chukra khan nimitey, kun khan toh hoiley tai khan laga prime age tey asey itya, nijey ke shape kuriboley aru mould kuriboley, tai khan interest laga la field tey. Tai para koishey lo, cricket kuntu toh hoiley bishi khushi pawa laga sport asey duniya tey aru especially India tey, itu toh hoiley vital asey educate kuriboley aru inspire kuriboley youngsters khan ke, itu laga experience laga fabric karney. Tai para itu participant khan ke encourage kurishey, tai khan laga best diboley, khali jeetiboley karney ekla nahoi, hoilebi nijey ke discipline banaboley karney aru cooperate kuriboley, nijey ke holistic par build kuriboley.
Itu programme laga homoi tey, welcome address toh hoiley deliver kurishey, KDCA laga convenor para, aru itu homoi tey, khata speech toh hoiley Kiphire Town laga head GB para share kurishey. Pura puri eight school khan participate kurishey, kuntu toh hoiley 8th May tey khotom hoboley asey koishey.
Add Comment