October 27, 2023 : Itu Phek Battalion laga 38th Assam Rifles laga aegis under tey, char din laga Inter School Football Tournament khili asey, chukra laga aru chukri laga bhi thaki kena, kuntu toh hoiley 25th tey para shuru hoishey koi asey, Assam Rifles laga ground tey para, Commandant Col. Prasant Singh Chundwat logotey, itu tournament toh shuru hoishey koi kena football toh laat mari di kena. Itu tournament toh hoiley October 28th, 2023 tey khotom hobo koishey.
Assam Rifles para update diya hisap tey, tatey pura puri 285 students khan, chukra aru chukri bhi milai kena, alag alag schools khan tey para Phek Town laga, Losami Bosti aru Phek Bosti aru Phek district bhitor tey thaka khan toh hoiley participate kuri kena asey, itu tournament tey. itu winner aru runners up team khan ke toh hoiley award diboley asey, Chukri aru chukra khan ke bhi, aru itu logotey trophies khan aru cash prize bhi diboley asey, aru sports kits khan bhi dibo koishey.
Itu toh poila bar asey eneka kuria toh, itu district tey, itu nimitey itu participate kuria School teachers aru students khan tai khan khushi pawa toh express kurishey, itu initiative opor tey.
Add Comment