International Short Film Festival te 96 films Calcutta te tekaishe

KOLKATA: Calcutta te International Short Film Festival 2020 (CISFF 2020) tin(3) din thaka samai duniyaa pura te 96 film toh online tekaishe, aro etu Sunday din te kotom hoishe. 96 films pithor te 21 toh India para thakishe aro 9 toh West Bengal para thakishe koishe. Kamaleshwar Mukherjee laga film ‘The Hunger Artist’, international awards besi jetikena toh CISFF 2020 thaka samai etu film para soruh hoikena jaishe. “Duniyaa neshina nahoikena India te toh Short film bona manuh khan eman motob napai. International festivals te 70 per cent neshina short films toh mani thaki hoilebi, India festival te toh hesab te nathaki,” koikena Festival Director Shubhankar Mazumdar para Sunday din te janaishe. Economical support aro encouragement toh short film bona manuh ke important thiboli lage, tai para aro koishe. Mazumdar para koishe, CISFF laga bapana toh jawan aro independent film bona manuh khan logot rasta thikabo mon ase aro etu oper te poisa aro technical para be motob thiboli koishe.