November 07, 2025, 07:52 PM: Ekta International Workshop loishey, Women’s Voices opor tey, Centre for Women’s Development Studies aru Rosa Luxemburg Stiftung, Germany logotey collaborate kuri kena, kuntu toh hoiley 6-7 November, 2025 tey organize kuria laga thakishey, Nagaland University, English laga Dept. tey. Itu workshop toh hoiley Rosa Luxemburg Stiftung, Germany para sponsor kuria laga thakishey. Dosta maiki khan, sob Arunachal Pradesh, Meghalaya aru Nagaland para itu workshop tey participate kuria laga thakishey. Tai khan laga handicraft product khan aru kitab khan laga exhibition bhi loa laga thakishey.
Research scholar khan aru English laga Dept. laga teacher khan bhi participate kurishey, itu workshop tey. Prominent participant khan toh hoiley New Delhi para Prof. N. Manimekalai, Director, Centre for Women’s Development Studies, Meghalaya para Prof. Nitha N., CWDS, Patricia Mukhim, Nagaland para Monalisa Changkija, Sano Vamuzo, Prof. Rosemary Dzuvichu, Arunachal Pradesh para Renu Koyu, R. Chai, aru Jarjum G Ete, Goa para Melissa Fernandes aru South Asia para Neha Naqvi, RLS thakishey.
Itu participant khan para, maiki manu laga right khan, customary law khan aru maiki manu khan bishi homoi para dukh pai kena aha aru tai khan laga problem khan opor tey kotha khan kurishey.
Add Comment