June 24, 2021. Tripura te Indigenous People Front of Tripura (IPFT) aro BJP Leaders khan para Wednesday sam New Delhi te BJP laga national president, JP Nadda logot mathikena lok paishe koishe. IPFT leaders khan ke BJP national president JP Nadda para mathikena saffron party aro Tripura laga IPFT leaders khan kotha koishe. 4 member IPFT delegation pithor te Tripura tribal welfare minister Mevar Kumar Jamatia para BJP national president JP Nadda logot tai laga official ghor New Delhi te lok korishe. IPFT delegation para aro JP Nadda ke memorandum submitted korishe. IPFT delegation khan para JP Nadda logot 45-minute neshina meeting korishe aro etu oper te 2018 saal te Ministry of Home Affairs (MHA) para High-Power Modality Committee bonaikena thaka nemite be kotha koishe. Tai khan para aro 125th Constitutional Amendment Bill, formation of Tripura Territorial Council nemite TTAADC laga empowerment kotha koishe aro etu samai Kokborok language roman script aro Special Recruitment Drive nemite alag-alag departments te ST aro SC category ke vacancies reserved thaka te fill up koriboli kotha korishe. Etu meeting toh itya samai BJP leaders khan besi Trinamool Congress (TMC) te joined kora te kotha koishe aro Tripura te party toh bhal hoikena jaboli kotha koishe, etu oper te West Bengal Assembly elections te tagnor kamuaab hoikena thaka te kotha korishe.
Add Comment