NEW DELHI, February 23: Etu saal IPL te opening ceremony nathakibo kile koile Indian cricket jola Committee of Administrators (CoA) pora Friday te Pulwama hamla te moriya CRPF sepahi laga ghor manu khan ke etu laga poisa dibole fesla loise.
Etu ekdum dhuni T20 league laga opening ceremonies khan te bollywood stars khan nachi kena koriye.
Hoilebi, moriya CRPF sepahi khan ke izad diya laga naam pora, tai khan pora fesla korise ki March 23 te shuru hobole laga etu event laga 12th edition te ceremony toh hatai dibo.
“IPL te moi khan pora ekko inaugural function namanaibo aro etu nimite budget koriya poisa toh moriya sepahi khan laga ghor manu khan ke dibo,” Committee of Administrators chairman Vinod Rai pora koise.
CoA pora etu fesla toh Friday laga meeting te loise.
BCCI acting president CK Khanna pora pohoila moriya sepahi khan laga ghor manu khan ke RS. 5 crore nisina dibole official proposal bonaise.
“Moi besi khusi ase ki COA pora moriya sepahi khan laga ghor manu ke poisa dibole fesla koriya ke. Kile koile IPL opening ceremony nimite diya budget sob ekdum bhal kam nimite diye ase, etu pora sob milaikena poisa toh 5 crores pora besi thakibo nisina ase,” Khanna pora PTI ke koise.
Etu janise ki 2018 IPL opening ceremony laga budget toh Rs 15 crore nisina thakise aro etu nisina poisa dibole pare.
March 23 te IPL opener te Defending champions Chennai Super Kings aro Royal Challengers Bangalore khelibole ase.
Add Comment