Ahmedabad, 2 June : Ace musician Shankar Mahadevan pura taiyari te ase Indian armed forces ke musical tribute dibole IPL 2025 laga closing ceremony te. Itu performance Tuesday din Narendra Modi Stadium, Ahmedabad te hobo, juntu RCB aru PBKS match shuru hobo osor te scheduled ase. Tai laga duita lora, Siddharth aru Shivam bhi logot thakibo.
Itu tribute especially “Operation Sindoor” ke dedicate kori ase—India laga military response to April 22 Pahalgam terror attack. May 7 din launch kora Operation Sindoor te Jaish-e-Mohammed, Lashkar-e-Taiba, aru Hizbul Mujahideen nisina terror group logot jora thaka 100 pora besi terrorist muri jaise.
Attack upar te Pakistan retaliate korise—cross-border shelling aru drone attack kosis korise. Itu pichete India ekta coordinated strike launch korise Pakistan laga 11 ta airbase te radar, communication centre, aru airfield destroy korise.
May 10 din India-Pakistan logot ekta “cessation of hostilities” understanding announce korishey.
Tension karone IPL 2025 ekta hafta suspend korise. May 17 pora matches phir se shuru hoisey, aru final laga date May 25 pora extend kori June 3 banai disey.
Itu par IPL 2025 te ekta winner guaranteed ase—final match Royal Challengers Bengaluru (RCB) aru Punjab Kings (PBKS) logot hobo, June 3 te, Narendra Modi Stadium, Ahmedabad te.
Add Comment