New Delhi, February 16: Indian Premier League laga 18th edition tu March 22 te Bengaluru laga Eden Gardens te defending champions Kolkata Knight Riders(KKR) aro Royal Challengers(RC) majotey ekta damdar match logotey suru hobole asey.
Eden Gardens tu IPL 2024 title laga winner KKR laga ghor asey. IPL 2025 laga grand finale bi May 25 te etu ekey jaga te hey hobole asey.
Etu opor te etu jaga para May 23 te Qualifier 2 bi host kuribole asey.
Dusra duita match- Qualifier 1, May 20 te aro Eliminator May 21 te-etu duita tu Hyderabad te hobole asey. Kuntu toh IPL 2024 te second position te aha team Sunrisers Hyderabad laga ghor asey.
Etu IPL season te total 74 match hobole asey kuntu toh 65 days te khilibole asey.
Etu game te 12 double-headers thakibole asey aro match khan tu 13 seher te hobole asey- 10ta host city aro plus Guwahati, Visakhapatnam aro Dharamsala.
Din laga game tu 3:30 PM para suru hobo aro shaam laga game tu 7:30 PM para suru hobo.
Group 1
Kolkata Knight Riders
Royal Challengers Bengaluru
Rajasthan Royals
Chennai Super Kings
Punjab Kings
Group 2
Sunrisers Hyderabad
Delhi Capitals
Gujarat Titans
Mumbai Indians
Lucknow Supe Giants
Sunrisers Hyderabad para IPL 2008 laga champion Rajasthan Royals ke Rajiv Gandhi International Stadium te March 23 te host kuribole asey.
Kolkata Knight Riders aro Delhi Capitals para IPL 2025 season nimitey taikhan laga nutun captain announce kuribole baki asey.
Royal Challengers Bengaluru para Rajat Patidar ke taikhan laga nutun captain banaisey. Shreyas Iyer ke PBKS laga aro Risabh Pant ke LSG laga nutun skippers announce kurisey.
Add Comment