IPL, MI Vs KKR IPL: Mumbai Indians Pora Kolkata Knight Riders Ke Nine Wickets Pora Harai Dise

 Mumbai, Wankhede Stadium te Indian Premier League (IPL) 2019 laga 56 match te Mumbai Indians (MI) pora Kolkata Knights Riders (KKR) ke 9 wickets pora harai dise. Target 134 runs ke khetai kena, Quinton de Kock aro Rohit Sharma pora ektam phal suruwat kurise  kintoh left-right hand tweijun pora 6.1 over te 46 runs aro paise. De Kock pora 23 balls te 30 runs loi kena ektam phal pora khili kena jaise. Tai pora mariya toh ekta four aro teenta  sixes marise. De Kock toh  Prasidh Krishna pora mariya ball ke Dinesh Karthik pora ektam phal pora dhuri kena out hoise. Etu biche te, Rohit Sharma, logot te Suryakumar Yadav pora samil kurise aro taijun eksat milai kena 88 run loise aro etu pora Mumbai Indians ke chitai dise. Rohit laga 55 off 48 (8 fours) te kon pora bhi khetabole pariya nai. Etu toh Mumbai Indians laga captain laga 36th IPL half-century ase. Aro ekta phale, Suryakumar pora unbeaten 46 off 27 (5 fours, 2 sixes) marise. Etu chitiya pora, Mumbai Indians ke IPL 2019 points tablet top kuri dise aro Chennai Super Kings logot te Tuesday te Qualifier-1 khilibole ase. Olap ake te, KKR pora 20 over te 133/7 marise. Chris Lynn pora 41 runs mari kena top score kurise.