April 2, 2024: Syrian capital deh Israel kan para air strike kuri shae aro etu strike para satha Revolutionary Guards keh murai di shae aro taikan laka consular annex building b bangai di shae. Mura manu deh tuijun tho general taki shae. Etu hamla karne, Iran kan para taikan laka arch foe, Israel keh warning di shae, taikan revenge lobo kui nah.
Monday laka strike kuto Damascus deh hui shae, etu hamla deh Israel kan comment kuri bole mana kuri shae. Middle East deh puila para heh tension taki shae, Gaza war aro Iran-backed groups laka violence kan karne. Hoile b etu hamla para aro fuel di shae.
Iranian state media para strike deh 13 jun muri shae kui shae. Tehran laka ambassador isap deh, Israeli F-35 fighter-jets para choitha missile fire kuri shae, kuto para five-storey consular building keh level kuri di shae.
Building tho pura bangai di nah pathor heh banai di shae. Building puti jah tho osor deh taka building laka windows kan b bangai di shae aro rasta deh taka gari kan keh b julai di shae. Iran laka supreme leader Ayatollah Ali Khamenei para Israel kan “ mukan laka brave manu laka hath para punishment kabo” kui nah kasam kuri shae. “Etu crime aro alak kan karne regret kuri bo dibo taikan keh.”
Add Comment