February 4, 2024: Alireza Jahanbakhsh laka last minute penalty para Iran keh ekta 2-1 dishae Japan laka against aro jiti shae Saturday din deh. Iran kan etu jiti nah, 2nd time karne Asian Cup semifinals deh punchi jai shae.
Iran, taikan itia tournament host Qatar laka against kile bole ase, kun kan ekta penalty shootout deh Uzbekistan keh 3-2 harai di shae. Jahanbakhsh, tai second-half stoppage time laka sixth minute deh taila cool rakhi shae Iran keh course deh rakhi bole. Ko Itakura keh foul karne whistle kuri di shae aro Jahanbakhsh para goalkeeper Zion Suzuki keh chance ekta b dia nai.
“Iran kan proud hobo lakeh. Players kan taikan laka sob di shae aro mui laka papna deh result tho Iranian football karne ekta turning point hobo pareh,” Iran laka coach Amir Ghalenoei para kui shae. Iran, taikan piche para ahi taki shae Hidemasa Morita para pre-tournament favorite Japan keh first half deh goal mari dia piche deh. Mohammad Mohedi para 55th minute deh score tho level kuri di shae.
“Mukan jaka bishi deh improve kuri bole lakeh. Etu tournament deh mukan sob pastha match deh goal ekta tho concede kuri shae. Clean sheet ekta rakhi bole napar I leh thgo naji tibo. Defense deh taikan para pressure dia tho mukan handle kuri bole para nai,” Japan coach Hajime Moriyasu para kui shae.
Add Comment